მაქსიმ გალკინი საქართველოში ჩამოდის

12/07/2022

21:08

A-

უკრაინელი დევნილების დასახმარებელი ტურის ფარგლებში, საქართველოში ცნობილი შოუმენი, მაქსიმ გალკინი ჩამოდის. იგი კონცერტს 15 ოქტომბერს, 19:00 საათზე, თბილისში, სპორტის სასახლეში გამართავს. ინფორმაციას ამის შესახებ ქართული პორტალი Biletebi.ge ავრცელებს.

როგორც პორტალი Biletebi.ge იუწყება, კონცერტზე დასასწრები ბილეთების გაყიდვა 25 ივლისიდან დაიწყება.

მაქსიმ გალკინის ოფიციალურ საიტზე, საქართველოში დაგეგმილი კონცერტის შესახებ ინფორმაცია ჯერჯერობით არ ვრცელდება, აღნიშნულია მხოლოდ ის, რომ ივლისის ბოლოდან სექტემბრის ბოლომდე შოუმენი კონცერტებს თურქეთში, ლატვიაში, ფინეთში, ესტონეთში, პოლონეთში, დიდ ბრიტანეთში, ირლანდიაში, ავსტრალიასა და ჩეხეთში გამართავს.