2024 წლის აპრილიდან ძალაში შევიდა შეთანხმება საქართველოსა და პერუს რესპუბლიკას შორის ორდინარული პასპორტების მფლობელთათვის ტურისტული ვიზის მიღების ვალდებულებისგან გათავისუფლების შესახებ. ინფორმაციას საგარეო საქმეთა სამინისტრო ავრცელებს.

დოკუმენტის თანახმად, საქართველოსა და პერუს რესპუბლიკის მოქალაქეებს, რომლებიც ფლობენ ორიგინალურ პასპორტებს, უფლება აქვთ, ვიზის გარეშე შევიდნენ, ტრანზიტით გაიარონ, დატოვონ და იმყოფებოდნენ მეორე სახელმწიფოს ტერიტორიაზე არაუმეტეს 90 დღისა ნებისმიერ 180-დღიან პერიოდში.

აღსანიშნავია, რომ მოქალაქეებს, რომელთაც განზრახული აქვთ მეორე სახელმწიფოს ტერიტორიაზე 90 დღეზე მეტი ვადით დარჩენა, მოეთხოვებათ წინასწარ მიიღონ შესაბამისი ვიზა.