ევრობასკეტი 2025-ის საკვალიფიკაციო ეტაპის შეხვედრის დაწყება საქართველოსა და ფინეთის ნაკრებებს შორის თბილისი არენაზე არსებული ტაბლოს ტექნიკური ხარვეზის გამო გადაიდო.

ფიბა-ს მიერ გავრცელებული ინფორმაციით, მატჩი 19:50 საათზე დაიწყება.

დარბაზში პრობლემის მოგვარებაზე მუშაობენ. შეხვედრის დაწყება 19:00 საათზე იყო დაგეგმილი.

შეგახსენებთ, რომ საქართველოს საკალათბურთო ნაკრებმა შესარჩევი ეტაპის მესამე ტურში ფინეთი სტუმრად 90:83 დაამარცხა.