მისი თქმით, 2021 წლის იანვარ-ოქტომბერში საქართველოში საქონლით საგარეო სავაჭრო ბრუნვამ 11.3 მილიარდ აშშ დოლარს გადააჭარბა, რაც წინა წლის შესაბამის პერიოდს 23 პროცენტით აღემატება და უდავოდ დადებითი ტრენდია. მოცემული პერიოდის საგარეო ვაჭრობაში ექსპორტი - თითქმის 3.4 მილიარდ დოლარს (24.9 პროცენტით მეტი), ხოლო იმპორტი 7.9 მილიარდ დოლარს აღემატებოდა (22.3 პროცენტით მეტი).

„საქართველოს სავაჭრო ბალანსის ისტორიაში ერთ-ერთი პოზიტიური წელია სავაჭრო დეფიციტის სიმცირის კუთხით რომელიც ამ ეტაპზე 40.2 პროცენტს შეადგენს. სავაჭრო ბრუნვის მოცემულ პოზიტიურ შედეგებს შემდეგი გაუმჯობესებისათვის აუცილებლად სჭირდება, როგორც კოვიდ, ასევე პოლიტიკური სტაბილურობა. საახალწლოდ ქვეყანას აქვს პოტენციალი გააუმჯობესოს არსებული პარამეტრები ტურიზმის და მისგან წამოსული ჯაჭვური რეაქციის ხარჯზე, თუმცა ამას მინიმუმ სწორედ ის ზემოთ ხსენებული მინიმუმ ორი პუნქტის შესრულება ესაჭიროება - კოვიდ და პოლიტიკური სტაბილურობა,“ - განაცხადა ვახტანგ ჭარაიამ.