ლაშა აბაშიძემ სომხეთის რკინიგზის ხელმძღვანელთან მიმდინარე საკითხები და სამომავლო თანამშრომლობის მიმართულებები განიხილა.

შეხვედრაზე მხარეებმა გადაზიდვის პროცესის ავტომატიზაციისა და გაციფრულების საკითხებზეც იმსჯელეს. ასევე განიხილეს სამგზავრო გადაყვანები. მხარეები შეთანხმდნენ, რომ ზაფხულში მგზავრთნაკადის გაზრდის შემთხვევაში, ქვეყნებს შორის რეისების რაოდენობა დაემატება.

შეხვედრის დასასრულს, საქართველოსა და სომხეთის რკინიგზის ხელმძღვანელებმა  იმედი გამოთქვეს, რომ სარკინიგზო ადმინისტრაციებს შორის ურთიერთგამოცდილების გაზიარების პროცესი გაგრძელდება და  ორმხრივი თანამშრომლობა კიდევ უფრო გაღრმავდება.