გაცნობებთ, რომ 11 ივლისიდან განხორციელდა პროექტ „Month Plan“-ის განახლება, რომლის ფარგლებში საქართველოს რკინიგზის სატვირთო გადაზიდვების მომხმარებლებს საშუალება ექნებათ, პლატფორმა cargo.railway.ge-ის მეშვეობით დამოუკიდებლად მოახდინონ ტვირთების საერთაშორისო გადაზიდვებისთვის გეგმების ფორმირება.

აღნიშნული განახლება მნიშვნელოვნად გაამარტივებს დაგეგმარების პროცესს, შეამცირებს მოლოდინის დროსა და გააუმჯობესებს მომხმარებელთა ჩართულობას. პროექტი მიზნად ისახავს სატვირთო გადაზიდვების მომსახურების უფრო სწრაფად, მოქნილად და თანამედროვე სტანდარტებთან შესაბამისობაში მოყვანას.