სომხეთის პრემიერ-მინისტრ ნიკოლ ფაშინიანის ვიზიტი საქართველოში დასრულდა. სომეხი კოლეგა თბილისის საერთაშორისო აეროპორტში საქართველოს პრემიერ-მინისტრმა ირაკლი კობახიძემ გააცილა.

სომხეთის რესპუბლიკის პრემიერ-მინისტრი, სამთავრობო დელეგაციასთან ერთად, თბილისს საქართველო-სომხეთის ეროვნული საფეხბურთო ნაკრებების მატჩზე დასასწრებად ეწვია, რომელიც „დინამო არენაზე“ გაიმართა და საქართველოს ნაკრების გამარჯვებით დასრულდა.

ვიზიტის ფარგლებში, ნიკოლ ფაშინიანს მთავრობის ადმინისტრაციაში პირისპირ შეხვედრაზე უმასპინძლა საქართველოს პრემიერ-მინისტრმა ირაკლი კობახიძემ.