რუსეთის ფედერაციის საბჭოს საერთაშორისო საქმეთა კომიტეტის ხელმძღვანელმა გრიგორი კარასინმა კომენტარი გააკეთა საქართველოს პრემიერ-მინისტრის სიტყვებზე, რომ 2030 წლისთვის საქართველო ევროკავშირის სრულუფლებიანი წევრი უნდა გახდეს და ქართველი ხალხი თავის აფხაზ და ოს ძმებთან ერთად იცხოვრებს ერთ ქვეყანაში. რუსმა პოლიტიკოსმა ირაკლი კობახიძის სიტყვებს „ბოროტისგან მსჯელობა“ უწოდა.
კარასინმა აღნიშნა, რომ საქართველოს პრემიერისთვის ახლა მთავარია მიაღწიოს კანონის მიღებას „საგარეო აგენტების შესახებ“ - წერს SOVA.
„ვერავინ აუკრძალავს სპეკულაციას, თუ როგორ იცხოვრებს საქართველო 2030 წელს. მათ სურთ აფხაზეთთან და სამხრეთ ოსეთთან ერთ სახელმწიფოში ცხოვრება, ან შესაძლოა სხვა სახელმწიფოებთან ერთად - ეს მხოლოდ სპეკულაციაა. ახლა საქართველოს პრემიერ-მინისტრისთვის მთავარია, რომ კანონში მონიშნონ ადამიანები, რომლებზეც უცხო სახელმწიფოები ზრუნავენ და ჩართულნი არიან პოლიტიკასა და საინფორმაციო საქმიანობაში“, - მიიჩნევს კარასინი.
„ეს უნდა იყოს ჩვენი ამოსავალი. დანარჩენი ბოროტისგან მსჯელობაა“, - დასძინა კარასინმა.
მან აღნიშნა, რომ პოლიტიკოსებს აქვთ მსჯელობის უფლება და პრემიერ კობახიძესაც აქვს ასეთი უფლება.
„ამ საკმაოდ რთულ ვითარებაში გამოვყოფ იმ ფაქტს, რომ ის ებრძვის <საქართველოს პრეზიდენტს> სალომე ზურაბიშვილს, რომელიც აშკარად, გასაგები მიზეზების გამო, იკავებს დასავლური უმცირესობის და, უფრო კონკრეტულად თუ ვიტყვით, ევროკავშირის და დასავლეთის ქვეყნების პოზიციას, რათა დაამარცხონ საქართველოს დღევანდელი ხელისუფლება“, - განაცხადა ფედერაციის საბჭოს საერთაშორისო კომიტეტის ხელმძღვანელმა.
0
0
