საკადრო ცვლილებებია საქართველოს პარლამენტში. ამის შესახებ „ქართული ოცნების“ აღმასრულებელმა მდივანმა მამუკა მდინარაძემ უმრავლესობის სხდომის დასრულების შემდეგ განაცხადა.

ფრაქცია „ქართული ოცნების" თავმჯდომარის პოსტზე რატი იოთანაშვილი დაინიშნა. უმრავლესობის დეპუტატმა ნინო წილოსანმა კი ვიცე-სპიკერის პოზიციაზე ირაკლი ჩიქოვანი ჩაანაცვლა.

ხოლო საპარლამენტო უმრავლესობის ლიდერად აირჩიეს მამუკა მდინარაძე, რომელმაც ამ პოსტზე პრემიერ-მინისტრი ირაკლი კობახიძე ჩაანაცვლა.

პარლამენტში საკადრო ცვლილებების საჭიროება სწორედ მას შემდეგ დადგა დღის წესრიგში, რაც საქართველოს პრემიერ-მინისტრად საპარლამენტო უმრავლესობის ლიდერი და პარტია „ქართული ოცნების " ყოფილი თავმჯდომარე ირაკლი კობახიძე დაინიშნა.