საქართველოს მოქალაქეები რუსეთის უნივერსიტეტებში სწავლას უფასოდ შეძლებენ. ამის შესახებ იტყობინება საქართველოში შვეიცარიის საელჩოს რუსეთის ინტერესების განყოფილება.

განცხადებაში ნათქვამია, რომ საქართველოდან აპლიკანტებს 1 სექტემბრიდან შეეძლებათ მიმართონ რუსეთის უმაღლეს სასწავლებლებს 2023-2024 სასწავლო წელს სწავლისთვის, იუწყება SOVA.

„მიმდინარე წლის 1 სექტემბერს რუსეთის ფედერაციის ფედერალური ბიუჯეტის ხარჯზე, 2024-2025 სასწავლო წელს რუსეთის უმაღლეს საგანმანათლებლო დაწესებულებებში მისაღები კანდიდატების მიღების კამპანია იწყება.

მონაწილეობის მიღება შეუძლიათ საქართველოს მოქალაქეებს, მოქალაქეობის არმქონე პირებს და საქართველოს ტერიტორიაზე მუდმივად მცხოვრებ რუს თანამემამულეებს

ტრენინგზე განაცხადის მისაღებად, უნდა დარეგისტრირდეთ სახელმწიფო საინფორმაციო სისტემის ვებსაიტზე "განათლება რუსეთის ფედერაციაში", შეავსოთ ფორმა და გაგზავნოთ გადამოწმებისთვის. განაცხადის მიღების ბოლო ვადაა 2023 წლის 01 სექტემბრიდან 2023 წლის 01 ნოემბრის ჩათვლით. გთხოვთ, ყურადღებით წაიკითხოთ დეტალური ინსტრუქციები“, - ნათქვამია საქართველოში შვეიცარიის საელჩოს რუსეთის ინტერესების განყოფილების განცხადებაში.

შეგახსენებთ, რომ მიმდინარე წლის ივლისის ბოლოს პრიმაკოვის ცენტრის ხელმძღვანელმა დიმიტრი ლორთქიფანიძემ განაცხადა, რომ თბილისში შეიქმნება ქართულ-რუსული უნივერსიტეტი, სადაც „სწავლა <> უფასო იქნება - დაფინანსების ხარჯებს რუსეთის ფედერაცია დაფარავს.  ეს იქნება უნიკალური უნივერსიტეტი, რომელიც სრულად დაკომპლექტდება რუსული მხარის მიერ“.