აზერბაიჯანის რესპუბლიკის სახელმწიფო უსაფრთხოების სამსახურმა დააკავა საქართველოს მოქალაქე აგილ ასლანოვი და აზერბაიჯანის მოქალაქე ჯეიჰუნ ისმაილოვი, რომლებიც ქვეყანაში ერთ-ერთი რელიგიური გაერთიანების წევრის წინააღმდეგ ტერორისტულ აქტს გეგმავდნენ. ინფორმაციას "სპუტნიკ აზერბაიჯანი" ავრცელებს.

მედიასაშუალების ინფორმაციით, მესამე ქვეყნის დაზვერვის თანამშრომლებმა ასლანოვს 200 000 დოლარის სანაცვლოდ, საზოგადოების წევრის მოკვლის ბრძანება მისცეს.

თავდაპირველად, ასლანოვს უნდა შეეგროვებინა და გადაეცა მათთვის სადაზვერვო ინფორმაცია გაერთიანების წევრისა და მისი სამუშაო ადგილის შესახებ.