„საქართველომ სეისმური რაგბის შოკი მოახდინა, რადგან მატკავას დაგვიანებული პენალტი აოცებს უელსს“ - ამ სათაურით აქვეყნებს სტატიას ბრიტანული გამოცემა The Guardian-ი და საქართველო-უელსის თამაშს ეხმაურება.

როგორც გამოცემა აღნიშნავს, მსოფლიო ჩემპიონატამდე 10 თვით ადრე, უელსმა ერთ-ერთი ყველაზე უხერხული მარცხი განიცადა. უელსმა მიმდინარე წელს 11 თამაშიდან მხოლოდ სამი მოიგო.

„ლუკა მატკავას შორ მანძილზე შესრულებულმა ჯარიმამ ორ წუთში უელსს განუზომელი ტკივილი მიაყენა“, - წერს Guardian.

ცნობისთვის, საქართველოს ნაკრები კარდიფში TIER 1-ის გუნდ უელსის ნაკრებს დაუპირისპირდა და დაძაბულ მატჩში 12:13 დაამარცხა. სწორედ, 78-ე წუთზე, მატკავამ საჯარიმო გამოიყენა და ბორჯღალოსნებმა ისტორიული გამარჯვება კარდიფიში მოიპოვეს.