საქართველოს მთავრობამ მორიგი საარბიტრაჟო დავა წააგო რუსეთის სახელმწიფო კომპანია Интер РАО-სთან. საინვესტიციო დავების მოგვარების საერთაშორისო ცენტრმა (ICSID), რომელიც მსოფლიო ბანკის ორგანიზაციების ჯგუფის ნაწილია, დაადგინა, რომ საქართველომ რუს ინვესტორს 75,9 მილიონი დოლარი უნდა გადაუხადოს.

გარდა ამისა, ვრცელდება ინფორმაცია, რომ სტოკჰოლმის საარბიტრაჟო ტრიბუნალმა ასევე მიიღო გადაწყვეტილება Интер РАО-ს სასარგებლოდ. სტოკჰოლმის არბიტრაჟის გადაწყვეტილება 2021 წლის ბოლოს გახდა ცნობილი.

საქართველოს იუსტიციის სამინისტრომ მაშინ განაცხადა, რომ Интер РАО 200 მილიონი დოლარის გადახდას ითხოვდა. 2021 წლის 23 ნოემბერს დადგინდა კომპენსაცია 80,5 მილიონი აშშ დოლარის ოდენობით. რუსულმა მხარემ კომპენსაციის ოდენობის გადახედვა დააანონსა. განახლებული ინფორმაციით, ის 112 მილიონ დოლარს შეადგენს.