უკრაინის უმაღლესი რადას დეპუტატი და მიხეილ სააკაშვილის პარტნიორი ლიზა იასკო სოციალურ ქსელში სააკაშვილის საქმეზე სასამართლოს მიერ გამოტანილ განაჩენს ეხმაურება.

იასკო საქართველოს დროშას აქვეყნებს და აღნიშნავს, რომ იგი ახლა სისხლით გაჟღენთილია, რადგან სააკაშვილს სამკურნალოდ გადაყვანაზე უარი ეთქვა.

„ამ დროშის გვერდით ამდენი ხანი ვცხოვრობდი და ვცხოვრობ, მაგრამ მხოლოდ ახლა მომეჩვენა ეს დროშა სისხლიანი, სისხლით გაჟღენთილი. ეს აქამდე არ დამინახავს.

საქართველო, შენ წამართვი ჩემთან ახლოს მყოფი ადამიანი, მიხეილ სააკაშვილი. შენ ყველაფერი წაიღე, რაც ჩვენი იყო.

მას უკვე სხვა რეალობა აქვს, სუსტადაა, ეს არ არის შენთვის საკმარისი?

დღეს ქართულმა სასამართლომ მიხეილ სააკაშვილის საზღვარგარეთ სამკურნალოდ გადაყვანაზე უარი თქვა“, - წერს იასკო სოციალურ ქსელში.