სანქტ-პეტერბურგში მობილიზებულთათვის ბაიანებსა და ბალალაიკებს აგროვებენ.

შესაბამისი განცხადება პეტერბურგის მუნიციპალიტეტის გაგარინსკოეს სოციალურ ქსელ VKontakte-ში გამოჩნდა და, სავარაუდოდ, რუსეთის თავდაცვის სამინისტროს მიერ არის ორგანიზებული, – წერს  BBC-ის რუსული რედაქცია.

მოსახლეობას მოუწოდებენ, “უსასყიდლოდ” ჩააბარონ  ბაიანები, აკორდეონები, გიტარები, ბალალაიკები.

განცხადების თანახმად, მუსიკალური ინსტრუმენტები გადაეცემათ „მობილიზებულებს, ასევე, სამხედროებს, რომლებიც სპეციალურ დავალებებს ასრულებენ და რომლებსაც არ აქვთ სპეციალური მუსიკალური განათლება. აქციის მიზანია სამხედროებში საბრძოლო სულისკვეთების, ერთიანობის მხარდაჭერის უზრუნველყოფა და ამაღლება, ასევე, მორალურ-ფსიქოლოგიური განტვირთვის ხელშეწყობა”.