ბულგარეთის ქალაქ პლოვდივში დასრულდა ევროპის ინდივიდუალური ჩემპიონატი ხმლით მოფარიკავეთა შორის.

მსოფლიო რეიტინგის პირველი ნომერი, სანდრო ბაზაძე ევროპის ჩემპიონატის ოქროს მედლის მფლობელი გახდა.

სანდრო ბაზაზე ასპარეზობაში მეთექვსმეტედფინალიდან ჩაება და თანმიმდევრულად დაამარცხა უკრაინელი იური ცაპი (15:7), რუმინელი რაზვან ურსაჩი (15:10), ფრანგი ბოლად აპიტი (15:7), თურქი ენვერ ილდირიმი (15:7) და ფინალში გავიდა, სადაც უნგრელ ანდრას ჟატმარის 15:11 სძლია და ევროპის ჩემპიონატის ოქროს მედლის მფლობელი ზედიზედ მეორედ გახდა.