საქართველოს პარლამენტის თავმჯდომარის მოადგილე არჩილ თალაკვაძე გამოეხმაურა ფეხბურთელების მიმართ კრიტიკულ განცხადებებს.

„სამწუხაროა, რომ ჩვენს საზოგადოებაში რჩებიან ისეთი ჯგუფები, რომლებსაც აქვთ ძალიან ვიწროპარტიული და ზიზღის კამპანიით გაჯერებული დამოკიდებულება ამ ყველაფრის მიმართ. ისინი ცდილობენ ისეთი უნივერსალური საკითხების გადაკეთებას და პოლიტიზებას როგორიცაა მადლიერება, ღირსების პატივისცემა, საქართველოსი და საერთო წარმატების აღნიშვნა. ეს რა თქმა უნდა, ჩვენს საზოგადოებას შეფასების გარეშე არ დარჩება“, - აღნიშნა თალაკვაძემ.

 ოპოზიციის ნაწილმა და მათმა აქტივისტებმა ის ფეხბურთელები გააკრიტიკეს, რომლებმაც ბიძინა ივანიშვილისადმი მადლიერება გამოხატეს ნაკრებისთვის დაწესებული ჯილდოს გამო.