
სამწუხაროდ, მაკა ბოჭირიშვილმა სიმართლე თქვა, როცა პარტნიორები კანდიდატის სტატუსით პირდაპირ გემუქრებიან და გევაჭრებიან, ეს სამწუხაროა, – ამის შესახებ „ხალხის ძალის“ აღმასრულებელმა მდივანმა, გურამ მაჭარაშვილმა საქართველოს პირველ არხს განუცხადა.
„საბედნიერო ის არის, რომ რასაც „ხალხის ძალა“ სიმართლეს ვამბობდით, ახლა უკვე ამაზე საუბარი „ქართულ ოცნებასაც“ მოუწია, თუმცა ჯერ კიდევ ბოლომდე მისატანი გვაქვს „ლელო“.
ამერიკაში ნორმალური და მშვიდობის პოლიტიკა მიდის, თუმცა ჯერ მოლაპარაკებები არ დამთავრებულა და ყურადღებით უნდა ვიყოთ. მაკა ბოჭორიშვილი რა ზეწოლებზეც საუბრობდა, იყო საქართველოზე და არა მხოლოდ საქართველოზე, რაც აშშ-ის ახალი ადმინისტრაციის მხრიდან დადასტურდა“,- განაცხადა მაჭარაშვილმა.
საგარეო საქმეთა მინისტრმა, მაკა ბოჭორიშვილმა საქართველოს პირველი არხის გადაცემაში „დღის თემაში“ განაცხადა – „ევროპარლამენტარებს, რომლებიც საქართველოს კრიტიკით გამოირჩეოდნენ, ჩემთვის პირდაპირ უთქვამთ, არ მიიღებთ კანდიდატის სტატუსს ივნისში და ვნახოთ, როგორი იქნება მოსახლეობის 85%-ის რეაქციაო“.
0
0
მაკა ბოჭორიშვილი ბულგარეთის ელჩს შეხვდა
21/02/2025