სამტრედიის მუნიციპალიტეტში მასშტაბური ინფრასტრუქტურული პროექტები მიმდინარეობს. ამ ეტაპზე, ხორციელდება 60-ზე მეტი პროექტი, მათ შორის 31, გზების მოწესრიგებას ითვალისწინებს.

ტოლების ადმინისტრაციულ ერთეულში - ქორეისუბანში, ასფალტ-ბეტონის საფარი სამ კილომეტრამდე მონაკვეთზე იგება. იქ კაპიტალური გზა, 30 წელზე მეტია, არ ყოფილა.
სამუშაოები სამტრედიის მუნიციპალიტეტის მერმა მოინახულა.