სადაზღვევო კომპანია „არდიში“ აცხადებენ, რომ მიმდინარე წელს სამედიცინო დაზღვევის პაკეტების დამატებით 10-12%-ით გაძვირებაა მოსალოდნელი.

როგორც კომპანიის გენერალურმა დირექტორმა BMG-ის განუცხადა, ჯანმრთელობის დაზღვევა შარშანაც ანალოგიური მაჩვენებლის ფარგლებში იყო გაძვირებული. მიხეილ ჯაფარიძის თქმით, ამ მიმართულებით გავლენას ისეთი ფაქტორები ახდენს როგორიცაა სხვადასხვა სამედიცინო მომსახურებასა და პროდუქციაზე ფასების ზრდა.

რაც შეეხება ავტოდაზღვევას, კომპანიაში ამბობენ, რომ შარშან ამ მიმართულებით წლიურად ფასები მნიშვნელოვნად, 20-25%-ით იყო გაზრდილი, თუმცა წელს ავტოდაზღვევაზე ფასების მკვეთი ზრდა მოსალოდნელი აღარაა.