სამტრედიაში ე.წ. კრიმინალური “ავტორიტეტი“ კობა მეფარიშვილი მოკლეს. მას მეტსახელად “ყრუს“ უწოდებდნენ.

შემთხვევა გუშინ, ქალაქის ცენტრალურ სტადიონთან მოხდა.

გავრცელებული ინფორმაციით, მოკლული საღამოს საათებში, სამძიმრიდან სახლში ბრუნდებოდა, რა დროსაც მას ამ დრომდე გაურკვეველი პირები დახვდნენ და ცეცხლი გაუხსნეს.

შინაგან საქმეთა სამინისტროს ცნპბით, რომ მომხდარზე გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.

მეფარიშვილის სახელი წარსულში მომხდარ შეიარაღებულ თავდასხმას უკავშირდება.

არ გამორიცხავენ, რომ მკვლელობა შურისძიების მოტივით მოხდა.