საპოლიციო ძალებმა ჭიჭინაძის ქუჩაზე ერთი პირი დააკავეს.

კერძოდ, სპეციალური დანიშნულების რაზმის თანამშრომლებმა მომიტინგე საპოლიციო კორდონში მაშინ შეათრიეს, როდესაც სპეცრაზმის კორდონს მიუახლოვდა.

პარალელურად სამართალდამცველები მომიტინგეების წინააღმდეგ წყლის ჭავლს იყენებენ, დემონსტრანტებს კი აღნიშნულ ტერიტორიაზე ხელოვნური ბარიკადები აქვთ აღმართული და სპეცრაზმის წარმომადგენლებს პიროტექნიკის საშუალებით უპირისპირდებიან.