“სალაროში ფული არ არის!" - ამ წარწერებს სავაჭრო ობიექტებზე უკვე შეხვდებით. მათი მიზანია, მაღაზიების დაცვა  მძარცველი მოზარდებისგან.

მაღაზიების მეპატრონეებმა საკუთარი ქონების გადარჩენის ამ ახალ მეთოდს მიმართეს. თბილისის მაღაზიებში ღამით სულ უფრო ხშირად ნახავთ კარზე დატოვებულ წერილს, რომელიც სავარაუდო მძარცველებს ატყობინებს, რომ სალაროში თანხა არ არის. 

იმ ფონზე, რომ პოლიცია არასრულწლოვნების მიმართ უძლურია, მეწარმეები სხვადასხვა და სულ უფრო ორიგინალურ თავდაცვის მეთოდებს მიმართვენ. 

დამნაშავეების გამოვლენის მიუხედავად, მათი დაპატიმრება და პასუხისგებაში მიცემა ვერ ხერხდება, ვინაიდან არასრულწლოვანთა მართლმსაჯულების კოდექსით, დანაშაულზე პასუხისგების ასაკი 14 წლიდანაა გათვალისწინებული.