საკურიერო საქმიანობით მიღებულმა შემოსავლებმა ₾86 მილიონს გადააჭარბა - ამის შესახებ "თიბისი კაპიტალის" მიერ მომზადებულ მიმოხილვაში წერია, რომელიც საქსტატის ინფორმაციაზე დაყრდნობით არის მომზადებული.

მიმოხილვაში 2016 წლიდან 2021 წლამდე საკურიერო საქმიანობით მიღებული შემოსავლების სტატისტიკაა მოცემული, სადაც მაგალითად 2021 წლის აღნიშნულმა მაჩვენებელმა 86 მილიონ ლარს გადააჭარბა.

რაც შეეხება სხვა წლებს, 2020-ში ის 58 მილიონ ლარს შეადაგენდა, 2019 წელს - 48 მილიონს, 2018 წელს -35 მილიონს, 2017 წელს - 32 მილიონს და 2016 წელს - 23 მილიონს.