საკრებულოს მაჟორიტარობის კანდიდატებისთვის დაწესებული 40%-იანი საარჩევნო ბარიერი გაუქმდება. შესაბამის ცვლილებაზე კენჭისყრა პლენარულ სხდომაზე დღეს გაიმართება.

პარლამენტში წარდგენილი ცვლილებებით, 40%-იანი საარჩევნო ბარიერი უქმდება და მაჟორიტარული საარჩევნო სისტემის საფუძველზე საკრებულოში არჩეულად ის კანდიდატი ჩაითვლება, რომელიც სხვებზე მეტ ხმას მიიღებს. ცვლილებების მიხედვით, საკრებულოს არჩევნების მეორე ტური აღარ გაიმართება.

„ქართული ოცნება“ განმარტავს, რომ ინიციატივა საკრებულოებს უფლებამოსილების დროული და ეფექტიანი განხორციელების შესაძლებლობას მისცემს და მათ შეუფერხებელ და ორგანიზებულ მუშაობას უზრუნველყოფს.