აშშ-ის სახელმწიფო დეპარტამენტში აცხადებენ, რომ იერუსალიმში აშშ-ის საელჩო 20 ივნისამდე დაიხურება. დახურვის მიზეზი უსაფრთხოებასთან დაკავშირებული საკითხები გახდა.

აღნიშნული გადაწყვეტილება ისრაელის თავდაცვის ძალების შიდა ფრონტის სარდლობის რეკომენდაციების შესაბამისად იქნა მიღებული.

საელჩოსთან ერთად, დაიხურება საკონსულო სამსახურები იერუსალიმსა და თელ ავივში.

სახელმწიფო დეპარტამენტის განცხადებაში აღნიშნულია, ჯერჯერობით არ არსებობს ინფორმაცია იმის შესახებ, თუ როგორ დაეხმარებიან ამერიკელ მოქალაქეებს ისრაელის დატოვებაში.