ფიზიკური პირებისთვის ქონების გადასახადზე 40 ათასლარიანი ზღვარი საერთოდ გაუქმდება, – ამის შესახებ უმრავლესობის სხდომის შემდეგ, უმრავლესობის ლიდერმა, ირაკლი კირცხალიამ განაცხადა.

მისი თქმით, ფიზიკურ პირებს ქონების გადასახადი დაეკისრებათ იმ შემთხვევაში, თუ მათი შემოსავალი 100 ათასი ლარიდან იწყება.

როგორც კირცხალიამ აღნიშნა, საკანონმდებლო ინიციატივას პარლამენტი დაჩქარებული წესით მიიღებს.

„ფინანსთა სამინისტროსთან აქტიურ კოორდინაციაში, დაჩქარებული წესით მიღებული იქნება გადაწყვეტილება, რომ ქონების გადასახადზე 40 ათასლარიანი ზღვარი საერთოდ გაუქმდება და ქონების გადასახადი შენარჩუნდება 100 ათას ლარზე და ზემოთ შემოსავლიან მოქალაქეებზე. ამით 81 ათას პირს, რაც ვიცით, გაუუქმდებათ ქონების გადასახადი“, – განაცხადა ირაკლი კირცხალიამ.