იაპონიის ქალაქ ოსაკაში არქიტექტურის განყოფილების თანამშრომელი თანამდებობიდან გაათავისუფლეს იმის გამო, რომ ის სასტიკად ექცეოდა უშუალო ხელმძღვანელს.

თანამშრომელს ევალებოდა მიტოვებული ველოსიპედების დემონტაჟი და ევაკუაცია. გაირკვა, რომ ორი წლის წინ ის უფროსს მკერდსა და სახეში სცემდა, მდუღარე წყალს ასხავდა, ტანზე ელექტროშოკერს ადებდა და ველოსიპედის ჯაჭვით სცემდა. ბოსი ახლა პენსიაზეა.

თანამშრომელმა თქვა, რომ გაღიზიანებული იყო უფროსის მუშაობისადმი დამოკიდებულებით, მაგრამ ნანობს, რომ ძალადობა გამოიყენა.

ოსაკას მერიამ უკვე განაცხადა, რომ საჯარო მოხელის მსგავსი ქმედებები ძირს უთხრის ხელისუფლების სანდოობას.