საგარეო საქმეთა სამინისტროში უარყოფენ, რომ გერმანიაში საქართველოს ელჩი ლევან იზორია ბუნდესტაგში დაიბარეს.

„გავრცელებული ინფორმაცია ელჩის დაბარების შესახებ სიმართლეს არ შეესაბამება. ელჩი, კომპეტენციის ფარგლებში რეგულარულად მართავს შეხვედრებს გერმანულ მხარესთან, მათ შორის ბუნდესტაგში, ორმხრივი თანამშრომლობის სხვადასხვა თემებზე, დაინტერესების შემთხვევაში ასევე უზიარებს გერმანულ მხარეს ინფორმაციას მიმდინარე აქტუალურ საკითხებზე“, - აცხადებენ უწყებაში.

დღეს მედიის ნაწილმა გაავრცელა ინფორმაცია, თითქოს ელჩი ლევან იზორია ბუნდესტაგში, “უცხოური გავლენის გამჭვირვალობის შესახებ” კანონის გამო დაიბარეს.