საქართველოს საგარეო საქმეთა სამინისტრო, ნეპალში განვითარებულ მოვლენებთან დაკავშირებით, განცხადებას ავრცელებს.

უწყების ცნობით, ამ დრომდე, სტიქიის ზონაში საქართველოს მოქალაქეების ყოფნის შესახებ სამინისტროში ინფორმაცია არ შესულა.

"საქართველოს საგარეო საქმეთა სამინისტრო კავშირზეა ნეპალში მყოფ საქართველოს რამდენიმე მოქალაქესთან, რომლებიც უსაფრთხოდ იმყოფებიან. ამ დრომდე, სტიქიის ზონაში საქართველოს მოქალაქეების ყოფნის შესახებ სამინისტროში ინფორმაცია არ შემოსულა. საგარეო საქმეთა სამინისტრო კავშირზეა შესაბამის უწყებებთან", - აცხადებენ სამინისტროში.

ცნობისთვის, ბოლო მონაცემებით, ნეპალში სტიქიას 270 ადამიანი ემსხვერპლა. ჩინეთის საზღვართან დამანგრეველი წყალდიდობა მოხდა. ჩამოწვა მეწყერი. დაკარგულად მიიჩნევა 800-მდე ადამიანი.