საფრანგეთის დასავლეთ ნაწილში ძლიერი მიწისძვრა მოხდა. ამის შესახებ straitstimes.com იუწყება.

საფრანგეთის სეისმური ბიუროს ინფორმაციით, მიწისძვრის ეპიცენტრი შარანტას რეგიონში მდებარეობდა, მისმა მაგნიტუდამ 5,8 შეადგინა.

ფრანგული მედიის ინფორმაციით, მსგავსი სიმძლავრის მიწისძვრა იქ 2000-იანი წლების დასაწყისიდან არ დაფიქსირებულა.

მიწისძვრის შედეგად არავინ დაღუპულა, მაგრამ ზოგიერთი სახლი დაზიანდა. ასევე დაზიანდა ელექტროგადამცემი ხაზი, რის გამო ათასობით აბონენტი დენის გარეშე დარჩა.

ცნობისთვის, საფრანგეთში 4,8 მაგნიტუდის სიმძლავრის მიწისძვრა წუხელაც მოხდა. მიწისძვრის ეპიცენტრი კვლავ საფრანგეთის დასავლეთ ნაწილში, ზღვისპირა შარანტას რეგიონში დაფიქსირდა.