„ეს დანაშაული არ იქნება დავიწყებული“ - ამ ლოზუნგით საბერძნეთში მრავალათასიანი საპროტესტო აქციები გაიმართა. აქციის მონაწილეებმა 28 თებერვლის სარკინიგზო კატასტროფაზე პასუხისმგებელი პირების დასჯა მოითხოვეს.

როგორც ცნობილია, ტრაგედიას  57 ადამიანის სიცოცხლე ემსხვერპლა.

აქციის მონაწილეები პარლამენტის შენობის წინ შეიკრიბნენ.

"ამ დანაშაულს არ უნდა ჰქონდეს ხანდაზმულობის ვადა, არ დავუშვებთ მის დავიწყებას. ჩვენ ყველანი გავხდებით ჩვენი მიცვალებულების ხმა", - განაცხადეს აქციაზე. 

ათენის გარდა დემონსტრაციები გაიმართა კიდევ რამდენიმე ქალაქში.