ექსპრეზიდენტ, მიხეილ სააკაშვილის ადვოკატი, შალვა ხაჭაპურიძე “ტექნიკურ უზუსტობას” უწოდებს, კიდევ ერთი ადვოკატის, ილია ლომიას განცხადებას, რომლის მიხედვითაც სააკაშვილმა კუჭის ოპერაცია თბილისში ჩამოსვლამდე გაიკეთა.

ხაჭაპურიძის ინფორმაციით, მიხეილ სააკაშვილმა ოპერაცია 2017 წელს გაიკეთა.

„აგერ არის დოკუმენტი, რომ ჩატარებული აქვს მას ოპერაცია 2017 წლის 10 აგვისტოს. ილია ლომიას დაუსვეს პროვოკაციული შეკითხვა, ვერ გაიგო რაზე ეკითხებოდნენ და გასცა ეს პასუხი. ტექნიკური უზუსტობა იყო", - განაცხადა ხაჭაპურიძემ.

ცნობისთვის, ადვოკატმა, ილია ლომიამ, 12 დეკემბერს განაცხადა, რომ მიხეილ სააკაშვილმა კუჭის ოპერაცია 2021 წელს გაიკეთა.