14/09/2023
08:49
სამართალი
თავდაცვის მინისტრი ჯუანშერ ბურჭულაძე "რუსთავი 2“-თან ადასტურებს, რომ თავდაცვის სამინისტროს ბიუჯეტიდან მიხეილ სააკაშვილის კერძო ვიზიტებზე მილიონობით ლარია დახარჯული.
მინისტრმა "კურიერთან" არც ის გამორიცხა, რომ უწყებამ ჩარჩო ხელშეკრულებას გრიფი მოხსნას.
მისივე თქმით, სააკაშვილის ვიზიტები საკურორტო ზონებში, მათ შორის კოლუმბიაშიც კი ახლო გარემოცვასთან ერთად სერიოზულ კითხვებს აჩენს. ბურჭულაძემ იმდროინდელი თავდაცვის მინისტრის პასუხისმგებლობაზეც გააკეთა აქცენტი.
დაიწყება თუ არა თავდაცვის სამინისტროსა და "ჯორჯიან ეარვეისს" შორის გაფორმებულ ჩარჩო ხელშეკრულებასთან დაკავშირებით გამოძიება, უცნობია.
ამ დროისთვის, მიხეილ სააკაშვილის წინააღმდეგ სისხლის სამართლის 4 საქმე არსებობს. მათ შორის 1 აუდიტის დასკვნის მიხედვით სახელმწიფო ბიუჯეტიდან 8 მილიონამდე ლარის გაფლანგვას ეხება. დასკვნაში საუბარია ექსპრეზიდენტის კერძოო ვოიაჟებზე, მათ შორის სენტროპეში, ნიცაში, მილანსა და ტაილანდში.
როგორც ცნობილია, "ჯორჯიან ეარვეისში" ადასტურებენ, რომ მიხეილ სააკაშვილის კერძო ვოიაჟები, საზღვარგარეთ, თავდაცვის სამინისტროდან ფინანსდებოდა. საუბარია გასაიდუმლოებულ ხელშეკრულებაზე, რომელიც "რუსთავი 2-ის" ინფორმაციით, თავის დროზე თავდაცვის უწყებასა და "აირზენას" შორის იყო გაფორმებული. შეთანხმება 24 მილიონი ლარის ფარგლებში ექსპრეზიდენტის პირადი ვიზიტების, ან მისთვის სხვადასხვა ქვეყნებიდან მომსახურების გაწევის ხარჯებს უზრუნველყოფდა. თამაზ გაიაშვილი იხსენებს, რომ ყოველწლიურად სააკაშვილი და მისი ახლო გარემოცვა ასამდე რეისს ახორციელებდა. "აირზენას "დამფუძნებლის თქმით, მიხეილ სააკაშვილის კერძო მომსახურებისთვის, სახელმწიფო ბიუჯეტს 14 მილიონ ლარზე მეტის გადახდა მოუწია.
0
0