ექსპრეზიდენტ მიხეილ სააკაშვილის დედის, გიული ალასანიას ინფორმაციით, ამერიკელი სამედიცინო ექსპერტები მიიჩნევენ, რომ სააკაშვილი მარცხენა ხელზე სასწრაფო ოპერაციას საჭიროებს. 

ალასანია ამბობს, რომ იგი თანახმა არ იქნება, აღნიშნული ოპერაცია “ვივამედში” ჩატარდეს.

„თქვა იმ ადამიანმა ყველაფერი, რომ სასწრაფოდ არის საოპერაციო, გამოსაცვლელია ძვალი, ეს ყველაფერი თქვა და მივყვებით ამ გზას. მე არ ვიქნები თანახმა, რომ აქ გაკეთდეს ოპერაცია. არავითარ შემთხვევაში!"-აღნიშნა გიული ალასანიამ.

როგორც ცნობილია, დღესვე, მიხეილ სააკაშვილის ერთ-ერთმა ადვოკატმა, შალვა ხაჭაპურიძემაც გაავრცელა ინფორმაცია, რომლის მიხედვითაც ექსპრეზიდენტს მარცხენა ხელი ატროფირებული აქვს, რასაც გაუსაძლისი ტკივილები ახლავს.