დანაშაულებრივად დაგროვილი ქონებით დავით კეზერაშვილი, მისივე აღიარებით, ჩართულია ქართულ პოლიტიკაში, ქართულ მედიასა და არასამთავრობო სექტორში, – ამის შესახებ საქართველოს პარლამენტის თავმჯდომარე, შალვა პაპუაშვილმა განაცხადა.

„ეს ერთი ჯგუფის ნაწილია, რომელმაც საქართველოში კორუფციისა და ადამიანების წამების სისტემა შექმნეს. ამ მხრივ, მიხეილ სააკაშვილი და დავით კეზერაშვილი ერთმანეთისგან განუყოფელი არიან იმ დაგროვილი ქონებით, რომელიც მაშინ მიხეილ სააკაშვილმა დააგროვებინა. სწორედ დანაშაულებრივად დაგროვილი ქონებით დავით კეზერაშვილი ჩართულია ქართულ პოლიტიკაში, ქართულ მედიასა და ქართულ არასამთავრობო სექტორში, მისივე აღიარებით“, – განაცხადა შალვა პაპუაშვილმა.