უკრაინის ოპერატიული სარდლობა "სამხრეთი" აცხადებს, რომ რუსეთის საოკუპაციო ჯარებმა ააფეთქეს კახოვსკას ჰიდროელექტროსადგური. მოგვიანებით ინფორმაცია ხერსონის საოლქო-სამხედრო ადმინისტრაციამაც დაადასტურა.

"ახლა ზუსტდება ნგრევის მასშტაბები, წყლის სიჩქარე და მოცულობა, დატბორვის სავარაუდო ადგილები. ყველა სერვისი მუშაობს. ვითარების მონიტორინგი მიმდინარეობს", - თქვა ხერსონის საოლქო-სამხედრო ადმინისტრაციის ხელმძღვანელმა, ალექსანდრ პროკუდინმა.

დატბორვის რისკის ქვეშ მყოფი ქალაქებიდან მოსახლეობის ევაკუაცია დაიწყო.

პროკუდინმა ასევე აღნიშნა, რომ წყალი კრიტიკულ დონეს 5 საათში მიაღწევს.

წყალდიდობის საფრთხის წინაშეა მდინარე დნეპრის მარჯვენა ნაპირზე მდებარე დასახლებები.