უკრაინის დელეგაციის ხელმძღვანელმა, რუსტემ უმეროვმა ცალკე შეხვედრები გამართა აშშ-ისა და საფრანგეთის, გაერთიანებული სამეფოს, გერმანიის, იტალიის, შვეიცარიის წარმომადგენლებთან.

აღნიშნულის შესახებ უმეროვმა სოციალურ ქსელში დაწერა.

მისივე თქმით, მხარეებმა სამმხრივი მოლაპარაკებების მესამე რაუნდის პირველი დღის შედეგები განიხილეს და შემდეგი ნაბიჯების შესახებ მიდგომები შეათანხმეს.

„მნიშვნელოვანია უკრაინას, შეერთებულ შტატებსა და ევროპას შორის საერთო ხედვისა და კოორდინირებული ქმედებების შენარჩუნება. არსებობს შედეგზე საერთო პასუხისმგებლობის გაგება. ჩვენ ვაგრძელებთ მუშაობას“, – წერს უკრაინის ეროვნული უსაფრთხოებისა და თავდაცვის საბჭოს მდივანი რუსტემ უმეროვი სოციალურ ქსელში.