როგორც გარდაცვლილის მეზობლები და თვითმხილველები „პრაიმტაიმს“ უყვებიან, რუსი ეროვნების საქართველოს მოქალაქე, 70 წლამდე ქალი დიდი ხანია, კლდიაშვილის ქუჩაზე, მათ მეზობლად, მარტო ცხოვრობს.

„დაახლოებით ერთი თვეა, თვალი არ მოგვიკრავს, მისი სახლის კარში კარგა ხნის წინ მოსული გაზის ქვითარიც ხელუხლებლად იყო. დავუკავშირდით მის ნათესავებს, მათაც არაფერი იცოდნენ. გამოვიძახეთ პოლიცია, რომელმაც კარი გააღო და ქალი საწოლში დახვდათ გარდაცვლილი. გვამი საშინელ მდგომარეობაში იყო და პროზექტურაში გადაასვენეს. გარდაცვალების მიზეზი არ ვიცით, ბოლოს როცა ვნახეთ, არც ავადმყოფობის ეტყობოდა რამე. ისიც არ ვიცით, როდის მოკვდა. სავარაუდოდ, ყველაზე მცირე, ერთი თვის გარდაცვლილი იქნება. არ ვიცით, რა მოხდა. ალბათ ექსპარტიზა დაადგენს“ - განაცხადა მეზობელმა.