რუსთაველის გამზირზე ვითარება კვლავ დაძაბულია. მომიტინგეებსა და სპეცრაზმელებს შორის შეტაკებები უწყვეტ რეჟიმში გრძელდება. დემონსტრანტებმა საკანონმდებლო ორგანოს მიმდებარე ტერიტორიიდან "თბილისი მარიოტთან" გადაინაცვლეს.

აქციის მონაწილეებმა რუსთაველის თეატრის წინ საბურავები მიიტანეს და ცეცხლი დაანთეს. ისინი იყენებენ პიროტექნიკას სპეცრაზმის მიმართულებით. ასევე იყენებენ ლაზერის განათებას.

სპეცრაზმი დროდადრო მომიტინგეების მიმართ ცრემლსადენი აირის კაფსულებს ისვრის, გამოყენებული იყო წყლის ჭავლიც.