რუსმა ოკუპანტებმა სკვითური ოქროს კოლექცია მოიპარეს

30/04/2022

04:03

A-

რუსმა ოკუპანტებმა დროებით ოკუპირებულ უკრაინულ ქალაქ მელიტოპოლში სკვითური ოქროს კოლექცია მოიპარეს. ამის შესახებ ინფორმაციას მელიტოპოლის მერი ივან ფედოროვი ავრცელებს.

მისი თქმით, ეს ერთ-ერთი ყველაზე დიდი და ძვირად ღირებული კოლექციაა უკრაინაში.

„ორკებმა მოიპარეს ჩვენი სკვითური ოქრო. ეს არის ერთ-ერთი ყველაზე დიდი და ძვირად ღირებული კოლექცია უკრაინაში და დღეს ჩვენ არ ვიცით, სად გაგზავნეს იგი. ჩვენ არ ვიცით მისი ბედი, მაგრამ, რა თქმა უნდა, ეს არის ჩვენი საზოგადოებისთვის მოპარული ოქრო და იმედი მაქვს, რომ ჩვენ შევძლებთ მის დაბრუნებას“, - განაცხადა ქალაქის მერმა.

354