“საქართველო ამ სიტუაციაში განსაკუთრებულად გონივრულად იქცევა. საოცრად. სომხეთმაც იგივე [უნდა] გააკეთოს,”, ამის შესახებ კრემლის პროპაგანდისტმა, ჟურნალისტმა მარგარიტა სიმონიანმა ტელეგრამ არხზე დაწერა და თბილისის მერის, კახა კალაძის ინტერვიუ გააზიარა.

ცნობისთვის, კახა კალაძემ გუშინ, ტელეკომპანია “იმედის” ეთერში საქართველოს რუსეთთან ეკონომიკურ ურთიერთობაზე ისაუბრა.

“ვინ დაგვაჯერებს იმაში, რომ, მაგალითად, ქართული ღვინო ან ქართული სოფლის მეურნეობის პროდუქტები რუსეთში თუ არ გავა, ამით დავანგრევთ რუსულ ეკონომიკას. ეს ხომ აბსოლუტურად სისულელეა?! ამით ხომ პირიქით, დავაზიანებთ ჩვენს გაჭირვებულ ხალხს,” - განაცხადა გუშინ კალაძემ.