გერმანიის კანცლერ ოლაფ შოლცის განცხადებით, არ შეიძლება ის კავშირი დაბრუნდეს რუსეთთან, რაც უკრაინის ომამდე იყო.

მისი თქმით, მოსკოვის მიერ წარმოებული ომი "საერთაშორისო ურთიერთობებში არის ღრმა ჭრილობა".

"დიდი შვიდეულის ქვეყნების" სამიტზე გამართულ პრესკონფერენციაზე შოლცმა აღნიშნა, რომ ომი არის "გრძელვადიანი ცვლილებების საკითხი, რომელიც საერთაშორისო ურთიერთობებს ძალიან, ძალიან დიდი ხნის განმავლობაში აყალიბებს".

"რუსეთთან ჩვენს ურთიერთობებში, რუსეთის უკრაინაში შეჭრამდე პერიოდში დაბრუნება არ იქნება", - აღნიშნა შოლცმა.

შოლცმა დასძინა, რომ "დიდი შვიდეულის ქვეყნებს" რაც აერთიანებს, არის "დემოკრატია, კანონის უზენაესობა და ადამიანის უფლებების პატივისცემა".