უკრაინაში სამხედრო სპეცოპერაციაში მონაწილეობისთვის მობილიზებული რუსების რაოდენობამ მოხალისეების თავდადების წყალობით 318 000-ს მიაღწია, -ამის შესახებ რუსეთის პრეზიდენტმა, ვლადიმერ პუტინმა განაცხადა.

"ჩვენ უკვე გვყავს 318 000 (მობილიზებული), რატომ 318 000 - იმიტომ, რომ მოხალისეები მოდიან. მოხალისეთა რაოდენობა არ მცირდება", - განაცხადა რუსეთის პრეზიდენტმა.

მისი თქმით, რუსეთის ჯარებში საბრძოლო ამოცანებს უკვე ასრულებს 49 ათასი ადამიანი, დანარჩენი კი წვრთნებით არიან დაკავებული.

"ეს არის ხალხის ძალიან დიდი რაოდენობა. დარჩნენ ოჯახები, დედები, მამები, შვილები, ცოლები. რა თქმა უნდა, სახელმწიფო ყველაფერს აკეთებს მათ დასახმარებლად", - განაცხადა პუტინმა.