რუსეთში, ბელგოროდში თავდაცვის სამინისტროს ობიექტი იწვის

01/05/2022

22:38

A-

რუსეთის ბელგოროდის ოლქში რუსეთის თავდაცვის სამინისტროს ერთ-ერთ ობიექტზე ხანძარია. ამის შესახებ ბელგოროდის ოლქის გუბერნატორი ვიაჩესლავ გლადკოვი „ტელეგრამში“ იუწყება.

„სამი მუნიციპალიტეტის - ბორისოვსკისა და ბელგოროდის რაიონებისა და იაკოვლენსკის ოლქის საზღვარზე, რუსეთის თავდაცვის სამინისტროს ერთ-ერთ ობიექტზე ხანძარია. ინფორმაცია დაშავებულთა და ნგრევის შესახებ ზუსტდება“, - წერს გუბერნატორი.

მისივე ინფორმაციით, ყველა ოპერატიული სამსახური ადგილზეა. ხდება უსაფრთხოების აუცილებელი ზომების მიღება.

მეტი ინფორმაციის გავრცელებას ის მოგვიანებით გეგმავს.

333