რუსეთში საპრეზიდენტო არჩევნებს თეთრი სახლის ეროვნული უშიშროების საბჭოს სტრატეგიული კომუნიკაციების კოორდინატორი ჯონ კირბი ეხმაურება. ინფორმაციას „ბიბისი“ ავრცელებს.

როგორც კირბი აცხადებს, არჩევნები რუსეთში არ არის თავისუფალი.

„არჩევნები აშკარად არ არის თავისუფალი და სამართლიანი იმის გათვალისწინებით, რომ პუტინმა დააპატიმრა პოლიტიკური ოპონენტები და ხელი შეუშალა სხვებს, მის წინააღმდეგ ეყარათ კენჭი“, – ამბობს კირბი.

რუსეთში საპრეზიდენტო არჩევნები დასრულდა. ამ დროისთვის ხმების 99% პროცენტია დათვლილი.  პუტინს ამ ეტაპზე ხმების 87,33 პროცენტი აქვს მიღებული.