გააუქმებს თუ არა რუსეთი საქართველოსთან ფრენების აღდგენის გადაწყვეტილებას, თუ თბილისი სანქციებს შეუერთდება? რუსეთის საგარეო საქმეთა სამინისტროს ოფიციალური წარმომადგენელი მარია ზახაროვა აცხადებს, რომ არის „კითხვის ჰიპოთეტური პროვოკაციული სტილი“ და ამბობს, რომ რუსეთი გამომდინარეობს „არსებული რეალობიდან“ და არა „ჰიპოთეტური ვარაუდებიდან“.

ზახაროვას თქმით, საჰაერო მიმოსვლა აღდგა „იმ ადამიანებისთვის, რომლებსაც არ აქვთ შესაძლებლობა ისარგებლონ რაიმე სახის შემოვლითი გზებით, კერძო ავიაციით, მაგრამ მათ, ამავე დროს, მუდმივად სჭირდებათ საზღვრის გადაკვეთა, ნათესავების მონახულება, ბიზნესის კეთება, პრობლემების მოგვარება. ეს არ იყო ცალკეული მოთხოვნები, არამედ სიგნალი, რომელიც დიდი ხნის განმავლობაში ისმოდა ორივე მხრიდან“ - აღნიშნა მან.

ზახაროვა ამბობს, რომ ზოგიერთ „გარე ძალებს ეს არ მოსწონს".

„თქვენ კარგად იცით ვისზეც ვსაუბრობთ. აქვე მინდა აღვნიშნო, რომ ბევრი რამ გვსმენია იმის შესახებ, რომ ეს ფრენები არღვევს ერთგვარ აკრძალვებს. რუსეთსა და საქართველოს შორის ფრენები არ არღვევს არსებულ სანქციების რეჟიმს. როგორც ხედავთ, ეს არ აწუხებს აშშ-სა და ევროკავშირის წარმომადგენლებს, რომლებიც არ წყვეტენ თავიანთი ნების კარნახის მცდელობას, სუვერენულ სახელმწიფოებს ორმაგი სტანდარტების დაწესებას და რეგიონში არსებულ ვითარებას ძირს უთხრის“ - განაცხადა ზახაროვამ.