დღეს დილას რუსულმა არტილერიამ ხერსონის ცენტრზე იერიში მიიტანა. შედეგად დაიღუპა ქალაქის სამხედრო ადმინისტრაციის თანამშრომელი ქალი და დაიჭრა ორი ადამიანი.

"რუსეთის საოკუპაციო ძალები უტევენ ხერსონს. ცეცხლის ქვეშ არის ქალაქის ცენტრალური ნაწილი. საარტილერიო იერიში დასახლებულ პუნქტებზე დილის 9 საათზე დაიწყო". – ამბობს ხერსონის სამხედრო ადმინისტრაციის უფროსი რომან მროჩკო.

მროჩკოს თქმით გარდაცვლილი კოლეგასთან ერთად სამსახურიდან წყლის საყიდლად გავიდა.

რუსეთი უკრაინის ტერიტორიას ყოველდღიურად არტილერიით, რაკეტებითა და დრონებით ბომბავს.