რუსეთმა უკრაინაში სრულმასშტაბიანი შეჭრის დროს, დაახლოებით, 280 სამხედრო თვითმფრინავი დაკარგა. ეს სსრკ-ის დანაკარგს, ავღანეთში გაჩაღებული ათი წლის ომის განმავლობაში, ორჯერ აღემატება. ამის შესახებ უკრაინის შეიარაღებული ძალების მთავარსარდალმა, ვალერი ზალუჟნიმ Facebook-ში დაწერა.

„სრულმასშტაბიანი აგრესიის დროს უკრაინის დამცველებმა ორჯერ მეტი რუსული თვითმფრინავი გაანადგურეს, ვიდრე საბჭოთა კავშირმა ავღანეთის ომის 10 წლის განმავლობაში დაკარგა“, - დაწერა გენერალმა.

მან განმარტა, რომ საუბარია უკრაინაში რუსული არმიის 278 განადგურებულ თვითმფრინავზე ავღანეთში 118 საბჭოთა თვითმფრინავის საპირწონედ.

„ეს ომი რუსეთის ფედერაციისთვის ისეთივე სამარცხვინოა და მის განადგურებას გამოიწვევს!“ - განაცხადა ზალუჟნიმ.