პესკოვმა ინფლაციის მაღალი მაჩვენებლები რუსეთის ეკონომიკაზე მოქმედ "გარე შოკურ ფაქტორებს" დაუკავშირა. 

"არსებობს ნეგატიური შედეგები, რომლებიც მინიმუმამდე იქნება დაყვანილი. ამ დროისთვის მდგომარეობა ტურბულენტურია. ვითარების განმუხტვის მიზნით, ზომების მიღება უკვე მიმდინარეობს; რუსეთმა აუცილებლად მინიმუმამდე უნდა დაიყვანოს შედეგები და შემდგომი რისკები“, - განაცხადა პესკოვმა.

ინფორმაციისთვის, უკრაინაში შეჭრის შემდეგ,  დიდმა ბრიტანეთმა, აშშ-მა და ევროკავშირმა, სხვა ქვეყნებთან ერთად, რუსეთის ფედერაციის წინააღმდეგ მთელი რიგი სანქციები დააწესა.